ബത്തക്ക

ഒരു ബത്തക്ക വരുത്തിയ പ്രശ്നങ്ങൾ ..!!

എല്ലാ വിശ്വാസങ്ങളും സത്യം പറഞ്ഞാൽ ഒരു ജീവിത രീതിയാണ് .. ഒരു ദിവസം ഉണരുന്നത് മുതൽ ഉറങ്ങുന്നത് വരേ അല്ലങ്കിൽ അതിനുമപ്പുറം കാര്യങ്ങൾ നമ്മളെ പഠിപ്പിക്കുന്ന രീതിയാണ് മതങ്ങൾ ..

ഞാൻ മനസ്സിലാക്കിയിടത്തോളം ഇസ്ലാം പോലെ മനുഷ്യന്റെ ഓരോ കാര്യങ്ങളും ഓരോ ചര്യകളും കൃത്യം കൃത്യമായി പഠിപ്പിക്കുന്ന മറ്റൊരു വിശ്വാസവും കാണില്ല ..

പുറത്തു നിന്ന് നോക്കുന്നവർക്ക് ശ്വാസം മുട്ടുമെങ്കിലും അനുഭവിച്ചവർക്ക് സുഖം മാത്രം ലഭിക്കുന്ന ഒരുപാട് കാര്യങ്ങൾ പഠിപ്പിക്കുന്ന വിശ്വാസം ..!!

ഉണരുമ്പോഴും , കുളിമുറിയിൽ കയറുമ്പോഴും , വേഷം ധരിക്കുമ്പോഴും , ഭക്ഷണം കഴിക്കുന്നതിന് മുൻപും , കഴിച്ചു കഴിഞ്ഞും , വെള്ളം കുടിക്കുമ്പോഴും , ചെരിപ്പിടുമ്പോഴും , വീട് വിട്ടു പുറത്തിറങ്ങുമ്പോഴും , വാഹനത്തിൽ കയറുമ്പോഴും , മറ്റൊരാളെ കാണുമ്പോഴും , നല്ലതു സംഭവിക്കുമ്പോഴും , ചീത്ത സംഭവിക്കുമ്പോഴും , സന്തോഷം തോന്നുമ്പോഴും , സങ്കടം തോന്നുമ്പോഴും , ലൈംഗിക ബന്ധത്തിൽ ഏർപ്പെടുമ്പോഴും , അത് കഴിഞ്ഞിട്ടും , ഉറങ്ങുമ്പോഴും അങ്ങനെ അങ്ങനെ എല്ലാ കാര്യങ്ങളും വ്യക്തമായി പഠിപ്പിക്കുന്നു ..

ഞാൻ ആദ്യം പറഞ്ഞത് പോലെ പുറത്തു നിന്നും നോക്കുന്നവർക്ക് എല്ലാമൊരു ശ്വാസം മുട്ടൽ പക്ഷെ അത് അനുഷ്ഠിക്കുന്നവർക്ക് സന്തോഷം മാത്രം ..!!

അപ്പോൾ ഞാൻ പറഞ്ഞു വന്നത് ആർക്കാണ് ഇത്രയും പ്രശ്നം ??

ആ വിശ്വാസം യദാർത്ഥമായി കൊണ്ട് പോകുന്ന ആളുകൾക്ക് ഇല്ലാത്ത വിഷമം എന്തിനാണ് മറ്റുള്ളവർക്ക് ??

ഒട്ടുമിക്ക ആളുകളും പറയും ഈ വിശ്വാസം സ്ത്രീകളെ അടിച്ചമർത്തുന്നു എന്ന് ..!!സ്ത്രീകൾക്ക് മാത്രമാണോ ഈ വിധികൾ എന്ന് ?

ഒരിക്കലും അല്ല ..

പുരുഷനോടാണ് ആദ്യം പറഞ്ഞത് നിങ്ങളുടെ ദൃഷ്ടി താഴ്ത്താൻ ..

പുരുഷനുമുണ്ട് വേഷം എങ്ങനെ ആകണം തുടങ്ങി ഒരുപാട് നിയമങ്ങൾ ..

അത് പലരും പാലിച്ചില്ല എന്ന് കരുതി ആ വിശ്വാസം മുഴുവൻ തെറ്റല്ല ..!!

സ്ത്രീകളെ എങ്ങനെ കാണണം അവോരോട്
എങ്ങനെ പെരുമാറണം തുടങ്ങി ഒരുപാട് കാര്യങ്ങൾ പുരുഷനോടും പറയുന്നുണ്ട് ..

അപ്പോൾ ഞാൻ പറഞ്ഞു വന്നത് ചിലരുടെ തെറ്റിന്റെ പേരിൽ ആ വിശ്വാസത്തെ മുഴുവനായി കുറ്റം പറയരുതേ ..!!

ഇന്ന് സോഷ്യൽ മീഡിയ തുറന്നു കഴിഞ്ഞാൽ ഇതു മാത്രമേ കാണാൻ പറ്റുന്നുള്ളൂ അതുകൊണ്ടു പറഞ്ഞതാണ് ..

കയ്യടി നേടാൻ പ്രസംഗത്തിൽ പലതും പറയുമായിരിക്കും പക്ഷെ സത്യങ്ങൾ കൂടെ എല്ലാവരിലേക്കും എത്തിക്കാൻ ശ്രമിക്കൂ ..!!

ആടിനെ മേയ്ക്കാൻ പോകുന്നവരല്ല .. നന്മയുള്ളവരാണെന്നു നമ്മൾ പറഞ്ഞെങ്കിലെ ആളുകൾ അറിയൂ അതാണ് കാലം ..!!

ഇതുപോലെ തന്നെ എല്ലാ വിശ്വാസങ്ങൾക്കും അവരവരുടേതായ രീതികൾ ഉണ്ടാകും , ശബരിമലയിൽ സ്ത്രീ പ്രവേശനം ഉൾപ്പടെ ഒരുപാട് വിവാദങ്ങൾ കടന്നു വരുമ്പോൾ പറയാൻ ഒന്ന് മാത്രം എല്ലാവർക്കും അവരവരുടേതായ വിശ്വാസം മുൻപോട്ടു കൊണ്ട് പോകാൻ കഴിയട്ടെ ..!!